Мирзиёев: Ҳажга бориш учун энди рўйхат бўлмайди
08.01.2018 Жамият

1news.uz - Ўзбекистон Президенти Шавкат Мирзиёев ҳажга борувчилар учун янгича талаблар ўрнатилишини маълум қилди. Бу ҳақда у Тошкент вилояти фаоллари билан ўтган учрашув чоғида маълум қилди.

-Ҳажга бориш учун энди рўйхат бўлмайди. Мен 2 минг қўшиб бердим, лекин керак бўлса, минг кишини юбораман. Кимни юбораман? Ким масжидга кириб, Қуръондан 2 сурани ўқиб бериб, шу маҳалла, шу кўчадаги адашганни мен зиммамга оламан, у адашган бўлмайди, менинг ибодатимнинг шукроналиги шу бўлади, деса, биринчи бўлиб, шу одам кетади,- деди давлатимиз раҳбари.

Мирзиёев ўз сўзида Ҳажга борган ўзбекистонликларнинг 50 фоизи Саудия Арабистонида ибодат эмас, тижорат билан шуғулланишини айтиб, бу ҳолатни шармандалик сифатида баҳолади.

-Ҳажга борган ҳар бир ўзбекистонликдан у имом Бухорий юртидан келганлиги сезилиб туриши керак, - таъкидлади Президент.


Fatal error: Cannot use $this as parameter in /var/www/1news/data/www/1news.uz/bitrix/components/bitrix/search.tags.cloud/component.php on line 20