БМТ Бош котиби Ўзбекистон Президентига табрик йўллади
01.09.2018 Сиёсат
БМТ Бош котиби Ўзбекистон Президентига табрик йўллади

Ўзбекистон Республикаси Президенти
Шавкат Мирзиёев Жаноби Олийларига

Жаноби Олийлари!

Ўзбекистон Республикаси халқини Мустақиллик куни билан самимий муборакбод этиш менга катта мамнуният бағишлайди.

Бирлашган Миллатлар Ташкилотининг бойлиги унга аъзо давлатлар хилма-хиллигидадир. Биз, халқлар, ташкилотимиз Уставида мустаҳкамлаб қўйилган қадриятларни қўллаб-қувватлаш йўлида бирлашганимизда фаолиятимиз кучайиб бораверади. Глобал хатарлар, шу билан бирга, улкан имкониятлар даврида ушбу эзгу қадриятлар бизни боғлаб туради.

Мамлакатингиз ушбу миллий байрамни нишонлаётган кунларда Сизни ишонтириб айтаманки, мен Бирлашган Миллатлар Ташкилоти самадорлигини ошириш ҳамда барча учун тинчлик, барқарор тараққиёт ва инсон ҳуқуқларини ривожлантириш йўлида фаол ҳаракат қиламан.

Жаноби Олийлари, Сизга бўлган юксак эҳтиромимни қабул қилгайсиз.


Антониу Гутерриш,
Бирлашган Миллатлар Ташкилоти Бош котиби

Fatal error: Cannot use $this as parameter in /var/www/1news/data/www/1news.uz/bitrix/components/bitrix/search.tags.cloud/component.php on line 20